«Իմ ընկեր Ալենը» ընթերցանության մրցույթ

Մրցույթի առաջին փուլի մասնակցության վճարը կազմում է՝

• հունվարի 29 - ապրիլի 13 - 2500 դրամ
• ապրիլի 14 - ապրիլի 24 - 4000 դրամ

Մրցույթի երկրորդ փուլի մասնակցությունն անվճար է

Մրցույթի եզրափակիչ փուլի մասնակցությունն անվճար է։

I և II առցանց փուլեր

• Առաջին առցանց փուլում 4-9-րդ դասարանների յուրաքանչյուր մասնակից պետք է պատասխանի 30 հարցի, 2-րդ դասարանցիները՝ 20, 3-րդ դասարանցիները՝ 25 հարցի, իսկ 2րդ փուլում 4-9-րդ դասարանների համար 30 հարց, 2-3-րդ դասարանների համար՝ 25 հարց։
• Հարցերին պատասխանելու համար մասնակիցներին կտրվի 30 րոպե ժամանակ։
• Հարցաշարը բաղկացած է բարդության երեք աստիճանի հարցերից` համապատասխան միավորների քանակով՝ պարզ (1 միավոր), միջին (2 միավոր), բարդ (3 միավոր)։
• Յուրաքանչյուր մասնակից հարցերի մեծ բազայից պատահականության սկզբունքով կստանա հարցեր․ բարդության աստիճաններով հարցերի համամասնությունը նույնն է բոլոր աշակերտների համար։
• Ժամանակը սպառվելու դեպքում պատասխաններն ավտոմատ կընդունվեն և կպահպանվեն։
• Յուրաքանչյուր մասնակից ունի իր իսկ արդյունքները բարելավելու 3 վճարովի հնարավորություն։ Կպահպանվի 3 փորձերից լավագույնի արդյունքները։
• Յուրաքանչյուր փորձ դա նոր՝ չկրկնվող հարցերից կազմված հարցաշար է։

Բարեվարքության կանոններ

Արդյունքների բողոքարկում

• Մասնակիցների աշխատանքները ստուգվում և արդյունքները հաշվարկվում են հատուկ համակարգչային ծրագրի միջոցով
• Յուրաքանչյուր առցանց փուլի արդյունքները կամփոփվեն և կհրապարակվեն տվյալ փուլի ավարտից հետո՝ 5 օրվա ընթացքում
• Նախքան փուլերի ամփոփումը յուրաքանչյուր մասնակից կտեսնի իր արդյունքները և կունենա հնարավորություն բողոքարկելու, որի համար կունենա 48 ժամ
• Յուրաքանչյուր հարց բողոքարկելու դեպքում մասնակիցը պետք է հստակ մեկնաբանի բողոքարկման պատճառն ու նշի հավաստի աղբյուր կամ հիմք
• Բողոքարկման պատասխանն ուղարկվում է մասնակցին էլեկտրոնային եղանակով դիմումն ստանալուց հետո 15 օրյա ժամկետում: Ըստ անհրաժեշտության մրցույթի կազմակերպիչները կարող են կապ հաստատել մասնակցի հետ ճշտումներ կատարելու համար: Եթե արդյունքում բացահայտվում է որևէ խնդիր, որը կարող էր ազդել մրցույթի արդյունքների վրա, ապա կատարվում է համապատասխան ուղղումը և այդ մասին տեղեկացվում են մրցույթի բոլոր մասնակիցները, հակառակ դեպքում արդյունքները մնում են նույնը։

Արդյունքների ամփոփում

• Առաջին և երկրորդ օնլայն փուլերի արդյունքների հրապարակումը կատարվում է koreez.am կայքում։
• Երկրորդ փուլին կարող են մասնակցել առաջին փուլի արդյունքներով 4-9-րդ դասարանցիների համար 22 միավոր հավաքած մասնակիցները, 2-րդ դասարանի համար՝ 16 միավոր, իսկ 3-րդ դասարանի համար՝ 20 միավոր հավաքած մասնակիցները։
• Երկրորդ փուլի մասնակցության համար բոլոր մասնակիցները կստանան «Իմ ընկեր Ալենը» ընթերցանության մրցույթի մասնակցության առցանց հավաստագրեր։

• Եզրափակիչ փուլ են անցնում երկրորդ փուլի արդյունքներով՝ 2-րդ դասարանից՝ 1-5-րդ հորիզոնականները զբաղեցրած մասնակիցները, 3-րդ դասարանից՝ 1-5-րդ հորիզոնականները զբաղեցրած մասնակիցները, 4-րդ դասարանից՝ 1-5-րդ հորիզոնականները զբաղեցրած մասնակիցները, 5-րդ դասարանից՝ 1-5-րդ հորիզոնականները զբաղեցրած մասնակիցները, 6-րդ դասարանից՝ 1-5-րդ հորիզոնականները զբաղեցրած մասնակիցները, 7-րդ դասարանից՝ 1-5-րդ հորիզոնականները զբաղեցրած մասնակիցները, 8-րդ դասարանից՝ 1-5-րդ հորիզոնականները զբաղեցրած մասնակիցները, 9-րդ դասարանից՝ 1-5-րդ հորիզոնականները զբաղեցրած մասնակիցները:
• Մրցույթի եզրափակիչ փուլի վայրի, օրվա և ժամի մասին մասնակիցը տեղեկանում է նախապես՝ էլեկտրոնային նամակի, sms-ի կամ հեռախոսազանգի միջոցով։
• Եզրափակիչ փուլի ժամանակ մասնակիցը ընթերցում է koreez.am կայքում եզրափակիչ փուլի համար հրապարակված գրքից մեկ հատված՝ առնվազն 10 տող։ Եզրափակիչ փուլի գրքերի ցանկը կհրապարակվի www.koreez.am կայքում։
• Եզրափակիչ փուլի գնահատման չափորոշիչներն են՝ Սահուն ընթերցում – 5 միավոր Ճիշտ շեշտադրում – 5 միավոր Արտահայտչականություն – 5 միավոր Հարց գրքից- 3 միավոր (մի քանի հարց գրքից՝ ժյուրիի նախընտրությամբ)
• Եզրափակիչ փուլի արդյունքները կամփոփվեն Koreez 2026 շոու-մրցանակաբաշխության ժամանակ (մրցանակաբաշխության հստակ տեղի ու ժամի վերաբերյալ մասնակիցները լրացուցիչ կտեղեկացվեն)։
• Եզրափակիչ փուլի բոլոր մասնակիցները կստանան մրցույթին մասնակցության հավաստագրեր, իսկ հաղթողները կպարգևատրվեն մրցանակներով և նվերներով։

• 1-ին հորիզոնական – 200,000 դրամ և/կամ այլ նվերներ
• 2-րդ հորիզոնական – 150,000 դրամ և/կամ այլ նվերներ
• 3-րդ հորիզոնական – 100,000 դրամ և/կամ այլ նվերներ

• Եզրափակիչ փուլի բոլոր մասնակիցները կստանան հավաստագրեր
• Մրցույթի արդյունքում 35 մասնակից կպարգևատրվի արժեքավոր նվերներով և խրախուսական մրցանակներով ու պատվոգրերով

Մրցանակներ ուսուցիչներին և դպրոցներին

• Թոփ 5 ուսուցիչները, ովքեր ամենից շատ թվով աշակերտներին խրախուսեցին միանալ մրցույթին, կստանան «Ալենյան լույսի ջահակիր» կոչում և 100․000 ական դրամ պարգև։
• Ամենաընթերցասեր (ամենաշատ մասնակից աշակերտներ ունեցող) դպրոցի տնօրենը կստանա մրցանակ` «ՈՍԿԵ ԳԻՐՔ», որը 1 տարի շարունակ՝ մինչև հաջորդ մրցույթը կլինի ընթերցասեր դպրոցում։ Գալիք տարում ընթերցասեր դպրոցի տնօրենը անձամբ կփոխանցի տիտղոսը մյուս դպրոցին։