Koreez-Telcell-PhysMath մաթեմատիկական մրցույթ

Մրցույթի առաջին փուլի մասնակցության վճարը կազմում է՝

• հունվարի 29 - ապրիլի 1 - 2500 դրամ
• ապրիլի 2 - ապրիլի 10 - 4000 դրամ

Մրցույթի երկրորդ փուլի մասնակցության վճարը կազմում է՝

• ապրիլի 11 - մայիսի 1 - 2500 դրամ

Մրցույթի երրորդ փուլի մասնակցության վճարը կազմում է՝

• մայիսի 2 - մայիսի 15 - 2500 դրամ

Մրցույթի եզրափակիչ փուլի մասնակցությունն անվճար է։

I և II առցանց փուլեր

• Առաջին և երկրորդ առցանց փուլերում յուրաքանչյուր մասնակից պետք է պատասխանի 20 հարցի։
• Հարցերին պատասխանելու համար մասնակիցներին կտրվի 60 րոպե ժամանակ։
• Հարցաշարը բաղկացած է բարդության երեք աստիճանի հարցերից` համապատասխան միավորների քանակով՝ պարզ (1 միավոր), միջին (2 միավոր), բարդ (3 միավոր)։
• Յուրաքանչյուր մասնակից հարցերի մեծ բազայից պատահականության սկզբունքով կստանա հարցեր․ բարդության աստիճաններով հարցերի համամասնությունը նույնն է բոլոր աշակերտների համար։
• Հարցի պատասխանը չիմանալու դեպքում հարցը կարելի է բաց թողնել։
• Հարցաշարը լրացնելու ընթացքում յուրաքանչյուր պահի կարելի է վերադառնալ բաց թողնված հարցին։
• Ժամանակը սպառվելու դեպքում պատասխաններն ավտոմատ կընդունվեն և կպահպանվեն։
• Յուրաքանչյուր մասնակից ունի իր իսկ արդյունքները բարելավելու 3 վճարովի հնարավորություն։ Կպահպանվի 3 փորձերից լավագույնի արդյունքները։
• Յուրաքանչյուր փորձ դա նոր՝ չկրկնվող հարցերից կազմված հարցաշար է։

Բարեվարքության կանոններ

Արդյունքների բողոքարկում

• Մասնակիցների աշխատանքները ստուգվում և արդյունքները հաշվարկվում են հատուկ համակարգչային ծրագրի միջոցով
• Յուրաքանչյուր առցանց փուլի արդյունքները կամփոփվեն և կհրապարակվեն տվյալ փուլի ավարտից հետո՝ 5 օրվա ընթացքում
• Նախքան փուլերի ամփոփումը յուրաքանչյուր մասնակից կտեսնի իր արդյունքները և կունենա հնարավորություն բողոքարկելու, որի համար կունենա 48 ժամ
• Յուրաքանչյուր հարց բողոքարկելու դեպքում մասնակիցը պետք է հստակ մեկնաբանի բողոքարկման պատճառն ու նշի հավաստի աղբյուր կամ հիմք
• Բողոքարկման պատասխանն ուղարկվում է մասնակցին էլեկտրոնային եղանակով դիմումն ստանալուց հետո 15 օրյա ժամկետում: Ըստ անհրաժեշտության մրցույթի կազմակերպիչները կարող են կապ հաստատել մասնակցի հետ ճշտումներ կատարելու համար: Եթե արդյունքում բացահայտվում է որևէ խնդիր, որը կարող էր ազդել մրցույթի արդյունքների վրա, ապա կատարվում է համապատասխան ուղղումը և այդ մասին տեղեկացվում են մրցույթի բոլոր մասնակիցները, հակառակ դեպքում արդյունքները մնում են նույնը։

Արդյունքների ամփոփում

• Առաջին և երկրորդ օնլայն փուլերի արդյունքների հրապարակումը կատարվում է koreez.am կայքում։
• Երկրորդ փուլին կարող են մասնակցել առաջին փուլի արդյունքներով 18 միավոր հավաքած մասնակիցները։
• Բոլոր մասնակիցները կստանան Koreez-Telcell-PhysMath մաթեմատիկական մրցույթի մասնակցության առցանց հավաստագրեր։

• Երրորդ փուլ անցնում են երկրորդ փուլի արդյունքներով 1-9-րդ դասարանների համար լավագույն տասնյակը, ինչպես նաև առավելագույն 35 միավոր հավաքած, բայց տասնյակում չընդգրկված մասնակիցները, 10-12-րդ դասարանների համար լավագույն տասնյակը և 25 միավոր հավաքած, բայց տասնյակում չընդգրկված մասնակիցները։
• Երրորդ փուլը օֆլայն է և անցկացվում է Երևանի պետական համալսարանին առընթեր Արտաշես Շահինյանի անվան ֆիզիկամաթեմատիկական հատուկ դպրոցում (հասցեն՝ ք․ Երևան, Ազատության պող. 2-րդ նրբ., 9 շենք)։
• Այս փուլում մասնակիցներից յուրաքանչյուրը պետք է պատասխանի 15 հարցի։
• Հարցերին պատասխանելու համար մասնակիցներին կտրվի 90 րոպե ժամանակ։
• Հարցաշարը բաղկացած է բարդության երեք աստիճանի հարցերից համապատասխան միավորների քանակով՝ պարզ (1 միավոր), միջին(2 միավոր), բարդ (3 միավոր)։
• Արդյունքները հրապարակվում են koreez.am կայքում, իսկ մասնակիցները հնարավորություն են ունենում բողոքարկել իրենց արդյունքները։

• Եզրափակիչ փուլին կարող են մասնակցել կիսաեզրափակիչ փուլի արդյունքներով յուրաքանչյուր տարիքային խմբի 1-10-րդ հորիզոնականները զբաղեցրած մասնակիցները։
• Եզրափակիչ փուլը օֆլայն է և անցկացվում է Երևանի պետական համալսարանին առընթեր Արտաշես Շահինյանի անվան ֆիզիկամաթեմատիկական հատուկ դպրոցում (հասցեն՝ ք․ Երևան, Ազատության պող. 2-րդ նրբ., 9 շենք)։
• Եզրափակիչ փուլում մասնակիցներից յուրաքանչյուրը պետք է պատասխանի 15 հարցի։
• Հարցերին պատասխանելու համար մասնակիցներին կտրվի 90 րոպե ժամանակ։
• Հարցաշարը բաղկացած է բարդության երեք աստիճանի հարցերից համապատասխան միավորների քանակով՝ պարզ (1 միավոր), միջին(2 միավոր), բարդ (3 միավոր)։
• Եզրափակիչ փուլում գերակշռելու են միջին և բարդ տեսակի հարցերը։
• Եզրափակիչ փուլում հավասար միավորների դեպքում կիրականացվի բլից մրցափուլ, որի անցկացման ձևաչափի վերաբերյալ Կազմակերպիչը կտա լրացուցիչ տեղեկություն։

• Յուրաքանչյուր տարիքային խմբում (1,2,3, 4, 5, 6, 7, 8, 9, 10, 11, 12 դասարաններ) 1-ին հորիզոնականը զբաղեցրած մասնակիցը կպարգևատրվի նոութբուքով և/կամ այլ նվերներով, 2-րդ հորիզոնականը զբաղեցրած մասնակիցը կպարգևատրվի պլանշետով և/կամ այլ նվերներով, 3-րդ հորիզոնականը զբաղեցրած մասնակիցը կպարգևատրվի անլար ականջակալով և/կամ այլ նվերներով։
• Մրցույթի եզրափակիչ փուլում յուրաքանչյուր տարիքային խմբում 4-ից 10-րդ հորիզոնականը զբաղեցրած մասնակիցները կպարգևատրվեն խրախուսական մրցանակներով։ Եզրափակիչ փուլի բոլոր մասնակիցները կստանան հավաստագրեր։
• Մրցույթի եզրափակիչ փուլում լավագույն արդյունքներ ցուցաբերած մասնակիցները կստանան Երևանի պետական համալսարանին առընթեր Արտաշես Շահինյանի անվան ֆիզիկամաթեմատիկական հատուկ դպրոց ընդունվելու արտոնություն։
• Մրցույթի արդյունքում 120 մասնակից կպարգևատրվի արժեքավոր նվերներով և մրցանակներով։