«The Magic of English» անգլերենի մրցույթ
Koreez-Global Bridge «The Magic of English» անգլերենի մրցույթը բաղկացած է երկու օնլայն և մեկ օֆլայն փուլից ու նախատեսված է 3-9-րդ դասարանի աշակերտների համար:
Սա բացառիկ հնարավորություն է ստուգելու անգլերենի գիտելիքներդ և ֆանտաստիկ մրցույթի արդյունքում ստանալու յուրօրինակ նվերներ։
Մրցանակներ
Կանոններ և փուլեր
Koreez-Global Bridge-ը անգլերենի մրցույթ է, բաղկացած երեք փուլից և մրցանակաբաշխությունից։ Առաջին և երկրորդ փուլերն անցկացվում են առցանց տարբերակով, իսկ երրորդը՝ առկա։ Մրցույթին կարող են մասնակցել բոլոր դպրոցների 3-9-րդ դասարանների աշակերտները։
Ինչպես գրանցվել
Սեղմեք «Գրանցվել հիմա» կոճակը և լրացրեք մասնակցի տվյալներն ու կցեք լուսանկարը։ Մուտքագրեք և հաստատեք Ձեր էլ. հասցեն։ Մուտքագրեք և հաստատեք գաղտնաբառը։
Ինչպես վճարել
Գրանցվելուց հետո մինչև առաջին առցանց փուլի ավարտը` ս.թ. ապրիլի 17-ը, անհրաժեշտ է կատարել վճարում Telcell Wallet էլ. դրամապանակի, Telcell վճարային տերմինալների, Idram հավելվածի կամ բանկային քարտի օգնությամբ։
Մրցույթի առաջին փուլի մասնակցության վճարը կազմում է՝
- Փետրվարի 5 - ապրիլի 7 - 2500 դրամ
- ապրիլի 8 - ապրիլի 17 - 4000 դրամ
Մրցույթի երկրորդ փուլի մասնակցության վճարը կազմում է՝
- ապրիլի 18 - մայիսի 15 - 2500 դրամ
Մրցույթի եզրափակիչ փուլի մասնակցությունն անվճար է։
Telcell Wallet-ով վճարելու պարագայում կստանաք 20% զեղչ։
Telcell տերմինալով վճարելու պարագայում կստանաք 12% զեղչ։
Ինչպես մասնակցել
Մրցույթի առցանց փուլերին մասնակցելիս պետք է նախապես հայտարարված օրերին հետևյալ թվային սարքերից մեկի միջոցով (հեռախոս, համակարգիչ, պլանշետ), մուտք գործել koreez.am արդեն իսկ գրանցված ծածկանունով ու գաղտնաբառով։
I և II առցանց փուլեր
- Առաջին և երկրորդ առցանց փուլերում յուրաքանչյուր մասնակից պետք է պատասխանի 30 հարցի։
- Հարցերին պատասխանելու համար մասնակիցներին կտրվի 45 րոպե ժամանակ։
- Հարցաշարը բաղկացած է բարդության երեք աստիճանի հարցերից` համապատասխան միավորների քանակով՝ պարզ (1 միավոր), միջին (2 միավոր), բարդ (3 միավոր)։
- Յուրաքանչյուր մասնակից հարցերի մեծ բազայից պատահականության սկզբունքով կստանա հարցեր․ բարդության աստիճաններով հարցերի համամասնությունը նույնն է բոլոր աշակերտների համար։
- Ժամանակը սպառվելու դեպքում պատասխաններն ավտոմատ կընդունվեն և կպահպանվեն։
- Յուրաքանչյուր մասնակից ունի իր իսկ արդյունքները բարելավելու 3 վճարովի հնարավորություն։ Կպահպանվի 3 փորձերից լավագույնի արդյունքները։
- Յուրաքանչյուր փորձ դա նոր՝ չկրկնվող հարցերից կազմված հարցաշար է։
Բարեվարքության կանոններ
Արդյունքների բողոքարկում
- Մասնակիցների աշխատանքները ստուգվում և արդյունքները հաշվարկվում են հատուկ համակարգչային ծրագրի միջոցով
- Յուրաքանչյուր առցանց փուլի արդյունքները կամփոփվեն և կհրապարակվեն տվյալ փուլի ավարտից հետո՝ 5 օրվա ընթացքում
- Նախքան փուլերի ամփոփումը յուրաքանչյուր մասնակից կտեսնի իր արդյունքները և կունենա հնարավորություն բողոքարկելու, որի համար կունենա 48 ժամ
- Յուրաքանչյուր հարց բողոքարկելու դեպքում մասնակիցը պետք է հստակ մեկնաբանի բողոքարկման պատճառն ու նշի հավաստի աղբյուր կամ հիմք
- Բողոքարկման պատասխանն ուղարկվում է մասնակցին էլեկտրոնային եղանակով դիմումն ստանալուց հետո 15 օրյա ժամկետում: Ըստ անհրաժեշտության մրցույթի կազմակերպիչները կարող են կապ հաստատել մասնակցի հետ ճշտումներ կատարելու համար: Եթե արդյունքում բացահայտվում է որևէ խնդիր, որը կարող էր ազդել մրցույթի արդյունքների վրա, ապա կատարվում է համապատասխան ուղղումը և այդ մասին տեղեկացվում են մրցույթի բոլոր մասնակիցները, հակառակ դեպքում արդյունքները մնում են նույնը։
Արդյունքների ամփոփում
- Առաջին և երկրորդ օնլայն փուլերի արդյունքների հրապարակումը կատարվում է koreez.am կայքում։
- Երկրորդ փուլին կարող են մասնակցել առաջին փուլի արդյունքներով 22 միավոր հավաքած մասնակիցները։
- Բոլոր մասնակիցները կստանան Koreez-Global Bridge անգլերենի մրցույթի մասնակցության առցանց հավաստագրեր։
Եզրափակիչ փուլ
- Եզրափակիչ փուլին կարող են մասնակցել երկրորդ փուլի արդյունքներով յուրաքանչյուր տարիքային խմբի 1-10-րդ հորիզոնականները զբաղեցրած մասնակիցները։
- Եզրափակիչ փուլը օֆլայն է, իսկ վայրը, օրն ու ժամը կտեղեկացվի լրացուցիչ։
- Եզրափակիչ փուլում մասնակիցներից յուրաքանչյուրը պետք է պատասխանի 15 հարցի։
- Հարցերին պատասխանելու համար մասնակիցներին կտրվի 90 րոպե ժամանակ։
- Հարցաշարը բաղկացած է բարդության երեք աստիճանի հարցերից համապատասխան միավորների քանակով՝ պարզ (1 միավոր), միջին(2 միավոր), բարդ (3 միավոր)։
- Եզրափակիչ փուլում գերակշռելու են միջին և բարդ տեսակի հարցերը։
- Եզրափակիչ փուլում հավասար միավորների դեպքում կիրականացվի բլից մրցափուլ, որի անցկացման ձևաչափի վերաբերյալ Կազմակերպիչը կտա լրացուցիչ տեղեկություն։
Մրցանակաբաշխություն
- Յուրաքանչյուր տարիքային խմբում (3, 4, 5, 6, 7, 8, 9 դասարաններ) 1-ին հորիզոնականը զբաղեցրած մասնակիցը կպարգևատրվի նոութբուքով և/կամ այլ նվերներով, 2-րդ հորիզոնականը զբաղեցրած մասնակիցը կպարգևատրվի պլանշետով և/կամ այլ նվերներով, 3-րդ հորիզոնականը զբաղեցրած մասնակիցը կպարգևատրվի բջջային հեռախոսով և/կամ այլ նվերներով։
- Մրցույթի եզրափակիչ փուլում յուրաքանչյուր տարիքային խմբում 4-ից 10-րդ հորիզոնականը զբաղեցրած մասնակիցները կպարգևատրվեն խրախուսական մրցանակներով։ Եզրափակիչ փուլի բոլոր մասնակիցները կստանան հավաստագրեր։
- Մրցույթի արդյունքում 70 մասնակից կպարգևատրվի արժեքավոր նվերներով և մրցանակներով։